Ǵylym jáne joǵary bilim ministrligi Ulttyq ǵylym akademiiasynyń zeinet jasyndaǵy akademikterine ómir boiyna ai saiyn tólenetin stipendiianyń mólsherin belgileý jáne tóleý qaǵidalaryn retteitin qaýly jobasyn kópshilik talqylaýyna shyǵardy, -dep jazady "QazAqparat".
«Qazaqstan Respýblikasy Ulttyq ǵylym akademiiasynyń zeinetkerlik jasqa tolǵan akademigine ómir boiǵy ai saiynǵy stipendiianyń mólsheri 60 (alpys) ailyq eseptik kórsetkish mólsherinde belgilesin jáne ony tóleý qaǵidalary bekitilsin», - dep jazylǵan qaýly jobasynda.
Stipendiia alýǵa úmitker akademik Ulttyq ǵylym akademiiasyna myna qujattardy ótkizý kerek:
1) erkin nysanda stipendiiany tóleýge ótinish;
2) UǴA akademigi mártebesin rastaityn qujat (UǴA akademigi mártebesin berý týraly UǴA otyrysynyń hattamasynan úzindi);
3) Qazaqstan Respýblikasynyń azamattyǵyn rastaityn qujat (Qazaqstan Respýblikasy azamatynyń jeke kýáliginiń nemese pasportynyń kóshirmesi);
4) ekinshi deńgeidegi bank aiqyndaityn nysan boiynsha shottyń bolýy týraly bank anyqtamasy.
Stipendiia tóleý mynandai jaǵdailarda toqtalady:
1) UǴA akademigi qaitys bolsa (qaitys bolý týraly anyqtama/kýálik);
2) UǴA akademigi habar-osharsyz ketse nemese qaitys boldy dep jariialansa;
3) UǴA quramynan shyǵarylsa (UǴA tóralqasy otyrysynyń hattamasynan úzindi);
4) Qazaqstan Respýblikasynyń azamattyǵy toqtatylsa.
Qaýly biylǵy 1 qyrkúiekten bastap kúshine enedi.
Ulttyq ǵylym akademiiasynyń resmi saityndaǵy málimet boiynsha, UǴA quramyndaǵy 252 músheniń 163-i akademik, 89-y korrespondent-múshe, 16-sy sheteldik jáne 94-i qurmetti múshe, 41-i ujymdyq múshe, 6 -aýy — professor.
