Vitse-premer Eraly Toǵjanov Qazaqstanda zeinet jasyn qysqartý týraly aitty, - dep habarlaidy Tengrinews.kz.
"Másele talqylanady. Rasyn aitqanda, másele ońai emes. Biz halyqaralyq tájiribeni eskeremiz. Jalpy alǵanda, halyqaralyq tájiribede zeinet jasyn qysqartý týraly aitylmaidy. Bul máseleni tek kenshiler kóterip otyrǵan joq. Bul máseleni múgedek balasy bar analar da kóterip júr", - dedi Toǵjanov Úkimet otyrysynan keiin jýrnalisterdiń suraqtaryna jaýap berip.
Onyń aitýynsha, jyl sońyna deiin BAQ ókilderiniń qatysýymen Áleýmettik kodeks aiasynda zeinet jasy týraly másele talqylanady.
"Áielderge qatysty da dál osylai aityp otyrmyn. Búginde zeinetke shyǵýdyń ortasha jasy 2027 jylǵa deiin 60-61 jas deńgeiinde. Sondyqtan bul másele kún tártibinde tur. Áli talqylaimyz", - dep túiindedi Toǵjanov.
