Jetisý oblysynyń Aqsý aýdanynda saýdagerler arasyndaǵy janjal tóbeleske ulasqan. Áleýmettik jelide taraǵan videoda qatysýshylardyń biri jerde jatqan áielge jaqyndap, politsiia qyzmetkeriniń kózinshe onyń betinen aiaǵymen tepkeni kórinedi, dep habarlaidy ult.kz.
Jergilikti turǵyndardyń aitýynsha, janjaldyń týyndaýyna satýshylardyń bir bóligin arnaiy jabdyqtalǵan bazarǵa kóshirýinen keiingi satyp alýshylarǵa qatysty daý sebep bolýy múmkin.
Zardap shekken áiel aýrýhanaǵa jetkizildi. Politsiianyń málimetinshe, uryp-soǵý faktisi boiynsha qylmystyq is qozǵalǵan. Oqiǵaǵa qatysýshylardyń barlyǵy anyqtalyp, politsiia bólimine jetkizildi.
