Jetisý oblysynda temirjol mańynda jalǵyz júrgen tórt jasar balany júk poiyzynyń mashinisi baiqap, qaýiptiń aldyn aldy. Oqiǵa 20 qyrkúiekte Saryózek – Úshtóbe temirjol ýchaskesinde bolǵan, dep habarlaidy ult.kz.
QTJ málimetinshe, kishkentai bala ien dalada jalǵyz ózi Ainabulaq stantsiiasyna qarai ketip bara jatqan. Osy sátte Taýarasy – Ainabulaq aralyǵymen kele jatqan júk poiyzynyń mashinisi ony temirjol mańynan baiqap qalǵan.
Poiyz sol sátte saǵatyna shamamen 38 shaqyrym jyldamdyqpen kele jatqan. Mashinist birden tejegishti basyp, quramdy toqtatqan. Keiin balany lokomotiv kabinasyna otyrǵyzyp, jaǵdai týraly poiyz dispetcherine habarlaǵan.
Ainabulaq stantsiiasyna jetken soń tórt jasar bala kezekshi qyzmetkerge tapsyryldy. Stantsiia qyzmetkeri onyń ata-anasymen bailanysqan.
Al balanyń ien dalaǵa qalai shyǵyp ketkeni jáne temirjol mańynda ne sebepti jalǵyz júrgeni ázirge belgisiz.
