Úndistannyń Karnataka shtatyndaǵy Bengalýrý qalasynyń mańyndaǵy tas karerinde bolǵan qaiǵyly oqiǵa saldarynan jeti jumysshy kóz jumdy. Taǵy birneshe adam túrli deńgeide jaraqat alyp, aýrýhanaǵa jetkizildi, dep habarlaidy ult.kz.
Aldyn ala málimet boiynsha, jumysshylar karerdiń tómengi bóliginde tas óndirý jumystaryn júrgizip jatqan kezde biiktigi shamamen 12 metrden (40 fýt) alyp jartas tómen qarai domalap ketken. Jumysshylardyń qashyp úlgerýge múmkindigi bolmaǵan. Oqiǵa ornynda jeti adam qaza taýyp, birneshe jumysshy aýyr jaralanǵan.
Bastapqyda jartas tabiǵi jolmen qulady degen boljam aitylǵan. Alaida tergeý barysynda politseiler jartas ózdiginen emes, ekskavatordyń iterýinen qozǵalǵanyn anyqtady. Sonyń saldarynan alyp tas tómendegi jumysshylarǵa qarai domalap ketken. Bul derek óndiristegi qaýipsizdik talaptarynyń óreskel buzylǵanyn kórsetip otyr.
Jergilikti politsiia karer ieleri, ýchaske jetekshileri men ekskavator júrgizýshisine qatysty qylmystyq is qozǵady. Tergeý materialdaryna sáikes, jumysshylarǵa qajetti qorǵanys quraldary berilmegen jáne qaýipti aýmaqta jumys isteýge májbúr bolǵan. Sonymen qatar kórshiles karerde júrgizilgen qazý jumystary jartas qabatyn álsiretken bolýy múmkin degen nusqa da qarastyrylýda.
