Sheshenstan basshysy Ramzan Qadyrovtyń áielderine quny keminde 800 mln rýbl bolatyn jyljymaityn múlikter tiesili. Múlikterdiń basym bóligi deklaratsiiaǵa túspegen jáne otbasynyń resmi kirisi retinde eseptelmeidi. Reseide kóp áiel alýǵa zańmen tyiym salynǵanmen Sheshenstanda bul ereje saqtalmaidy. "Proekt" basylymynyń zertteýinde osyndai tujyrymdar jasalǵan.
Basylymnyń málimetinshe, Qadyrovtyń resmi túrde nekege tirkelgen áieli Medniden bólek, onyń keminde taǵy bir áieli bar – Fatima Hazýeva. Ol 2006 jyly 15 jasynda respýblikalyq sulýlyq baiqaýynda ekinshi oryn alǵan. Qazir 30 jastaǵy Hazýeva Qadyrov ákimshiliginde isteidi jáne oǵan Máskeý men Groznyidaǵy záýlim úiler tiesili dep jazady basylym.
Rosreestr málimetinshe, Hazýevaǵa Groznyidyń qymbat aýdanynda ornalasqan záýlim sarai tiesili. Bul yqpaldy groznyilyqtar turatyn aýdandaǵy eń iri ǵimarat. Onyń ainalasynda 9 myń sharshy metrlik aýmaq bar, ashyq bassein de ornalasqan. Ǵimarattyń mańynda Hazýevanyń ákesiniń atymen atalatyn meshit bar. Ol qaitys bolǵanǵa deiin Rostehnadzordyń Kavkazdaǵy basqarmasy jetekshisiniń orynbasary qyzmetin atqarǵan.
"Proekt" basylymynyń zertteýinshe, Hazýeva 19 jastan bastap iri qymbat jyljymaityn múlikterge ie bola bastaǵan. Mysaly, oǵan Máskeýdiń Shabolovka aýdanyndaǵy biiktigi 130 metr bolatyn qymbat páter tiesili. 2013 jyly ol aýmaǵy shamamen 600 sharshy metr bolatyn turǵyn úige arnalmaǵan ǵimaratty ieligine alǵan. Buǵan qosa, qala ortalyǵyndaǵy Hamovnik aýdanynda onyń biiktigi 200 metr bolatyn páteri bar. 20 jasynda Máskeýdiń batysyndaǵy turǵyn úi kesheninen 290 metrlik páter de salyp alǵan.
Basylym Qadyrovtyń áielderine tiisili jyljymaityn múlikterdiń qunyn 800 mln rýblge baǵalaǵan. Basqa adamdardyń atyna tirkelgen jyljymaityn múlikter de bar. Sonyń arqasynda bul nysandar otbasynyń deklaratsiiasyna enbegen. Al ekinshi pasport batys sanktsiiasynan qashýǵa múmkindik beredi dep jazdy basylym.
"Proekt" basylymy Qadyrovtyń áielderi respýblika basshysy ákimshiliginde isteidi jáne sheneýnikter alatyn jalaqyǵa mundai qymbat záýlim sarailar satyp alý múmkin dep sanaidy.
Sheshenstan – Reseidegi eń kedei aimaqtardyń biri, biraq respýblika basshysy men onyń otbasy resmi kiris pen deklaratsiia kólemine sáikes kelmeitin asta-tók bailyǵymen ylǵi kózge túsedi. 2020 jyly shilde aiynda "Proekt" basylymy otbasy aktivteriniń bir bóligi basqa adamdardyń atyna jazylýy múmkin dep topshylaǵan.
