Qazaqstanda jemqorlyq qaýpin týyndatatyn negizgi figýranttar – deldaldar bolyp otyr. Arnaiy zertteýge, saýalnamaǵa qatysqan respondentter deldaldardyń kóbeiýýin – qajetti kommýnikatsiianyń azdyǵymen bailanystyrady. Bul týraly tolyǵyraq «Transparency Kazakhstan» QQ atqarýshy direktory Olga Shiian Ortalyq kommýnikatsiialar qyzmetinde ótken brifingte aityp berdi, dep habarlaidy QazAqparat.
«Deldaldardyń kóbin ádette vedomstvonyń nemese memlekettik organdardyń qyzmetkerleri quraityn. Keiin olardyń qataryna qarapaiym azamattardyń ózderi de enip, deldaldardyń sany arta tústi. Deldaldardyń kóbeiýýin respondentter qajetti kommýnikatsiianyń azdyǵymen bailanystyrady. Sondyqtan «kómekshiler», iaǵni deldaldar suranysqa ie bola bastaǵan», - dedi spiker.
Olga Shiian sonymen qatar qandai laýazymdaǵy qyzmetkerler beiresmi jaǵdaidy máselelerdiń sheshilýine kóbirek aralasqanyn atap ótti.
«Kóbinde olar mamandar jáne qarapaiym qyzmetkerler boldy. Sondai-aq basshylardyń orynbasarlarynyń úlesi 17%-dy quraidy. Jemqorlyqqa itermelegen kelisssózderge ne sebep boldy? Respondentter 30-dan astam sebepti ataǵan. Olardyń jartysynan kóbi «solai yńǵaily» nemese «másele solai tez sheshiledi» dep jaýap bergen. 8%-dan astamy «basqa jol joq» degen. Osylaisha, respondentter óz máselesin jedeldete sheshý úshin, iaǵni qyzmet nemese paida alý úshin beiresmi túrde qosymsha kelisimder jasaýǵa daiyn ekenin túsindirdi», - dep qosty Olga Shiian.
