AQSh-ta aldyńǵy 4 jylmen salystyrǵanda biyl adam ólimi 300 myńǵa kóp. Aýrýdy baqylaý jáne aldyn alý ortalyǵynyń málimetinshe, adam óliminiń úshten ekisine koronavirýs sebep bolǵan. Qalǵany basqa sebepterden qaitys bolǵan.
Dárigerlerdiń baǵalaýynsha, koronavirýstan qaitys bolǵandar sanynyń kóptigi test tapshylyǵy men diagnostikadaǵy kemshiliktermen bailanysty bolýy múmkin. 21 qazan kúngi aqparat boiynsha, elde 221 myń adam koronavirýstan qaitys bolǵan.
Ortalyq esebinde keibir adamdardyń "meditsinalyq kómekke qoly jetpei" kóz jumǵany da aitylady.
Taǵy bir zertteýde turǵyn úiler men qarttar úiinde júrek aýrýy, diabet, insýltqa shaldyqqandardyń indet kezinde aýrýhanaǵa barýdan qoryqqany aitylady. Keibir zertteýshiler indet kezinde esirtki nemese ishimdik iship, qaitys bolǵandar kóp bolǵanyn atap ótedi.
