Almaty qalalyq Qoǵamdyq densaýlyq saqtaý basqarmasynyń basshysy Kamaljan Nadyrov qaladaǵy zerthanalyq diagnostikalaý týraly baiandady, dep habarlaidy "Ult aqparat".
«Bizdiń birqatar zerthanalarymyz túrli sebeptermen ýaqytsha isten shyqty. Osy aptada jumys jańartylatyn bolady. Sondai-aq Bolat Ótemuratovtyń qory syilaǵan mobildik zerthana paidalanýǵa beriledi. Zerthanalardyń isten shyǵýy qoǵamda rezonans týdyrdy. Biraq, patsientterde test nátijesiniń oń bolmaýyna qaramastan, koronavirýsqa uqsas klinikalyq kórinis tapqan jaǵdaida, biz diagnostikalaý men emdeýdiń jańa klinikalyq hattamasyna sáikes, testileý nátijesin kútpesten emdeýdi bastaimyz. Bul emdeý protsesin baqylaýǵa jáne protsesti qaýipti asqynýlarǵa deiin órshitip almaýǵa múmkindik beredi. Bolashaqta osyndai irkilisterdi boldyrmaý úshin jeke jetkizýshilerdi tartý arqyly aǵymdaǵy qýattardy arttyrý jáne jańa zerthanalardy ashý máselesi pysyqtalyp jatyr», - dedi K.Nadyrov.
