Foto: Facebook/Anna Bashinskaia
Osydan birneshe kún buryn Almaty qalalyq máslihatynyń depýtaty Anna Bashinskaia Ýkraina prezidenti Vladimir Zelenskiige «keńes» berip, kópshiliktiń ashýyn týǵyzǵan edi.
Depýtat Deutsche Welle basylymynyń Facebook paraqshasyndaǵy jazbasyna «Zelenskii myrza, durysy Túrkiia! Ol jaqta jyl boiy jyly» degen pikir qaldyrǵan.
Al jazbanyń ózinde prezidenttiń "Ýkraina qarsy shabýylǵa shyǵyp, Resei basyp alǵan jerlerdi, sonyń ishinde Qyrymdy da qaitaryp alatyny" sóz bolǵan.
Keiinirek Bashinskaia Facebook paraqshasynda kópshilikten keshirim surap, Zelenskiidiń málimdemesine qatysty oilanbai pikir qaldyrǵanyn aitqan.
Al, búgin ol depýtattyq mandatyn tapsyratynyn jetkizdi.
"Qurmetti dostar! Men óz áreketimmen elimizdiń beibit saiasatyna daq túsirgim kelmeidi.
Osy kúnderi kóp oilandym jáne áreketimdi aiyptaǵandardyń sezimin hám kúiin túsinip otyrmyn.
Búgingi qiyn-qystaý kezeńde bul pikirim orynsyz bolǵanyn taǵy da atap ótkim keledi. Sol arqyly qoǵam aldynda qiyn jaǵdai týǵyzdym.
Osyǵan bailanysty partiianyń resmi ustanymymen tolyqtai kelisemin. Jaýapkershiligimdi sezine otyryp, depýtattyq ókilettikti toqtatý týraly sheshim qabyldaimyn.
Barsha otandasym men partiialastan jibergen qateligim úshin shyn júrekten keshirim suraimyn. Barshańyzǵa jaqsylyq pen tynyshtyq tileimin", - dep jazdy ol.
