Dáriger uzaq ómir súrýdiń el bilmeitin taǵy bir qupiiasyn ashty Dáriger uzaq ómir súrýdiń el bilmeitin taǵy bir qupiiasyn ashty «Prezidenttiń týystaryn tanymaimyn»: Botagóz Omarova isine qatysty «VD Stroy Engineering» kompaniiasy basshysy suqbat berdi «Prezidenttiń týystaryn tanymaimyn»: Botagóz Omarova isine qatysty «VD Stroy Engineering» kompaniiasy basshysy suqbat berdi
Saiasat

Zelenskii úndeý jasap, NATO-ny qatań synady

Ult portaly
Zelenskii úndeý jasap, NATO-ny qatań synady

© Reuters

Ýkraina prezidenti Vladimir Zelenskii 4 naýryzda keshke halyqqa jańa úndeý jasady, onda ol NATO-nyń Ýkrainanyń áýe keńistigin jabýdan bas tartqanyn qatań synady, - dep habarlaidy Tengrinews.kz tilshisi "Obozrevatel" basylymyna silteme jasap.

"Soǵystyń toǵyzynshy kúni. Kópshiligimiz toǵyzynshy kúni qatarymyzda joq adamdardy eske alamyz. Qaza tapqandardyń árqaisy máńgi jadymyzda. Búgin taǵy bir máselelerdi este saqtaýdyń ýaqyty keldi: qaýipsizdik kepildikteri men ýádeleri, odaqtardyń sheshimi, keibireýler úshin, menińshe, bul ólgen qundylyqtar. Búgin NATO sammiti, álsiz sammit, shatasqan sammit ótti, onda barlyǵy Eýropa bostandyǵy úshin kúresti birinshi maqsat dep sanap otyrǵan joq", - dedi Zelenskii.

Ýkraina kóshbasshysy aliansty sheshim qabyldaýǵa enjar, ózindik gipnoz jáne álsizdik tanytty dep synady. Onyń aitýynsha, NATO-daǵy Reseimen boljalǵan qaqtyǵys ýkrainalyqtardyń óliminen joǵary bolǵan.

"NATO Ýkrainaǵa áýe keńistigin jappaý týraly sanaly túrde sheshim qabyldady. Biz NATO elderiniń ózderi Ýkrainanyń áýe keńistiginiń jabylýy Reseidiń NATO-ǵa qarsy tikelei agressiiasyn týdyrady degen áńgime jasady dep sanaimyz. Bul bizdegiden de kúshtirek qarýy bar bolsa da álsiz, ishtei senimsizderdiń ózine ózi jasalǵan gipnozy", - dep málimdedi ol videoúndeýinde.

Zelenskiidiń aitýynsha, búginnen bastap osy soǵysta qaza bolǵan árbir ýkrainalyqtyń ólimi osyndai uiatsyz sheshim qabyldaǵandardyń obaly.

"Halyq týraly, adamgershilik týraly oilaýlaryńyz kerek edi. Sol otyrysta ne oiladyńyzdar? Búginnen bastap qaza tapqandardyń obaly sizderge. Jalpylama áreketterińiz úshin. Alianstyń búgin áli jetkeni Ýkrainaǵa óz tólem júielerińiz arqyly 50 tonna dizel otynyn ótkizý boldy. Soǵan qaraǵanda, Býdapesht memorandýmyn órtep jiberýimiz úshin shyǵar. Jaqsylap jansyn dep. Biraq biz úshin ol órtenip qoidy, reseilik áskerdiń otynda. NATO osyndai bolǵanyn qaladyq pa? Osyndai aliansty qurǵan ba edińizder?" - dedi Zelenskii.

Ýkraina prezidenti Soltústik Atlantikalyq odaqty Ýkrainanyń qalalary men aýyldaryn Resei áskeriniń odan ári bombalaýy úshin "jasyl jaryq" jasady dep aiyptady. Ol NATO-nyń bireýdi qorǵai alatynyna kúmán keltirdi.

"Sizder kimdi qorǵai alatyndaryńyzdy bilmeimin. Óz elderińizdi qorǵai alatyndaryńyzǵa da kúmánim bar. Bizdiń litrlep tókken qanymyzdy suiyq otyn litrlerin berip qutyla almaisyzdar. Bul qan tutas Eýropany qorǵaý úshin tógildi, tutas erkindik, ortaq bolashaǵymyz úshin tógildi", - dedi Zelenskii.

Sonymen qatar, Zelenskii Kievtegi rezidentsiiasynan el astanadan ketti degen qaýesetti joqqa shyǵarý úshin arnaiy video jariialady. 

4 naýryzda, jumada NATO-nyń Syrtqy ister ministrleri Ýkrainanyń áýe keńistigin jappaýǵa sheshim qabyldaǵan. Bul ótinishti Zelenskii Eýropalyq Parlamentke aityp júgingen.

"Biz Ýkrainaǵa jerine de, áýesine de kirmeitinimizdi kórsettik. Árine, ushqyshsyz aimaq engizý úshin onyń jalǵyz joly - NATO aviatsiiasyn, jaýyngerlerdi Ýkrainanyń áýe keńistigine jiberý edi. Sodan keiin osy aimaqta reseilik ushaqtardy atyp tastaýǵa májbúr bolar edik. Biz ýkrainalyqtardyń tarapyn túsinemiz, biraq eger biz ony qabyldasaq, onda bul is kóptegen basqa eldiń qatysýymen eýropadaǵy tolyqqandy soǵyspen aiaqtalatyn edi dep sanaimyz", - dep túsindirdi NATO Bas hatshysy Iens Stoltenberg áýe patrýlinen bas tartý týraly sheshimin.

Oqi otyryńyz