Ýkraina 27 naýryzda túnde koronavirýsqa bailanysty shekarasyn tolyq jabady. Elge kirip-shyǵýǵa tyiym salynady. Bul týraly beisenbi kúni prezident Vladimir Zelenskii málimdedi.
Zelenskiidiń aitýynsha, juma kúni barlyq eldermen jolaýshylar qatynasy toqtaidy. Shetelde qalǵan Ýkraina azamattarynyń jaǵdaiyn sol eldegi Ýkraina elshilikteri men diasporasy bilip otyrýy tiis.
"Shetelde qalǵan Ýkraina azamattarynyń qaýipsizdigi mańyzdy ma álde eldegi 40 mln adamnyń ómiri mańyzdy ma? Biz osyndai qiyn máselege tap boldyq" dedi Zelenskii. Ol epidemiologiialyq jaǵdaidy eskere otyryp, Ýkrainanyń shette qalǵan azamattaryn qaitarýǵa kúsh salatynyn aitty.
Buǵan deiin Ýkraina sheteldegi azamattaryn kirgizbeitin bolǵan.
Sońǵy derek boiynsha, Ýkrainada 169 adamǵa koronavirýs juqqan. Bes adam qaitys bolǵan. Elde qatań karantin engizildi. Iri qalalarda metro jumys istemeidi. Qoǵamdyq kólikke shekteý qoiyldy.
