Foto: dw.com
Ýkraina prezidenti Vladimir Zelenskii 8 aqpanda Parijde Frantsiia basshysy Emmaniýel Makronmen jáne Germaniia kantsleri Olaf Sholtspen kezdesý kezinde Ýkrainaǵa áskeri ushaqtar men aýyr tehnikany tezirek jetkizýdi ótindi, dep habarlaidy Azattyq radiosy.
Ýkraina prezidenti 8 aqpanda Londonǵa saparynan keiin britan áýe kúshteri ushaǵymen Parijge barǵan.
Úsh basshy keshki asty birigip iship, jýrnalisterge ortaq baspasóz jiynyn ótkizgen.
"Eýroodaq Ýkrainadaǵy áskeri qimylyn jalǵastyryp jatqan Reseige sanktsiiasyn qataitady, Pýtin óz maqsatyna jete almaidy" degen edi sársenbi kúni sál erterek Býndestagtaǵy otyrysta málimdeme jasaǵan kantsler Sholts.
Germaniia kantsleri Ýkrainaǵa kómek berip jatqanyna qaramastan, NATO odaǵy Reseimen áskeri qaqtyǵysta taraptardyń birine ainalmaýy kerek dedi. Ol Ýkrainaǵa qarý-jaraq jetkizý máselesi boiynsha NATO odaqtastarymen birigip áreket etýge ýáde berdi.
9 aqpanda Briýsselde Eýroodaqtyń tótenshe sammiti ótedi. "Nemis tolqynynyń" jazýynsha, sammittiń basty taqyryptarynyń biri – Ýkrainadaǵy soǵys.
Copyright (c) 2013. RFE/RL, Inc. Reprinted with the permission of Radio Free Europe/Radio Liberty, 1201 Connecticut Ave., N.W. Washington DC 20036.
