Foto: H / @ZelenskyyUa
Ýkraina prezidentiniń málimdeýinshe, Túrkiiada Qara teńizdegi qaýipsizdik týraly kelissózge Ýkraina, Ulybritaniia, Frantsiia jáne Túrkiia ókilderi qatysyp jatyr, dep habarlaidy VVS.
Buǵan deiin Reseidiń memlekettik aqparat agenttigi RIA Novosti derekkózge silteme jasap Ankarada Túrkiia áskeri vedomstvosynyń jetekshiligimen Qara teńizdegi qaýipsizdik máselelerine arnalǵan eki kúndik keńes ótip jatqanyn habarlaǵan.
Agenttik derekkózi oǵan sheteldik áskeri ókilder qatysyp jatqanyn, biraq olardyń arasynda reseilikter joq ekenin aitty.
Naýryz aiynyń sońynda Saýd Arabiiasynda ótken úsh kúndik tikelei emes kelissózde AQSh Resei jáne Ýkrainamen Qara teńizdegi saýda kemelerine shabýyldy boldyrmaý jáne olardyń qaýipsiz qatynasyna kepildik berý máselelerin talqylady.
Ýkraina Qara teńizde qaýipsiz keme qatynasyn qamtamasyz etýge kelisti, alaida Resei taǵy da qosymsha talaptar qoidy, olardyń biri Rosselhozbankke qarsy sanktsiialardy alyp tastaý boldy.
