Foto: golosameriki.com
Ýkraina prezidenti Vladimir Zelenskii "Resei armiiasy kóktemde bastaidy" degen shabýyl is júzinde qazir bastalyp qoidy dep málimdedi.
"Resei birneshe baǵyt boiynsha shabýyldap jatyr" - dedi ol Resei basqynshylyǵyna bir jyl tolar kezde BBC-ge bergen suhbatynda.
Zelenskiidiń aitýynsha, Ýkraina áskeri Resei armiiasynyń shabýylyna tótep berip, qarymta shabýylǵa kóshe alady. Alaida oǵan Batys elderiniń kómegi kerek. Onyń sózinshe, "Reseimen tek "qarýmen" sóilesýge bolady".
Ol sonymen birge Ýkraina Reseige birde-bir aimaǵyn berýge kelispeitinin jáne Vladimir Pýtinmen ymyralaspaitynyn aitty.
Zelenskiidiń aitýynsha, Ýkraina aýmaǵyn Reseige berý úlken qatelik bolady, sebebi Resei onymen toqtamai, "qaita-qaita kele bermek".
"Jer berýge kelisý - ýkrain memleketin tek álsiretedi jáne Ýkraina men Eýropanyń qaq ortasyndaǵy bomba ispettes ról atqarady" - dedi Prezident.
Onyń sózinshe, másele "ymyrada" emes, ony kimmen jasaýda bolyp otyr. "Pýtinmen ymyraǵa kelý múmkin emes, sebebi oǵan senim joq" - dedi Zelenskii.
Amerikanyń barlaý qyzmeti men Batys sarapshylary jyl basynan beri Máskeý jańa shabýylǵa daiyndalyp jatyr dep birneshe ret eskertken.
Osy aidyń basynda Ýkraina prezidenti Resei armiiasy aqpan aiynda "burynǵy jeńilisterin jýyp-shaiýǵa" tyrysady dep málimdegen.
Jýyrda Financial Times basylymy eki qupiia derekkózge súiene otyryp, "Resei Ýkraina shekarasyna tikushaqtar men ushaqtaryn ákelip jatyr jáne aldaǵy ýaqytta iri shabýyldardy solardy qoldanyp jasamaqshy" dep jazǵan. Batys elderi sol sebepti Ýkrainaǵa áýe shabýylynan qorǵaityn kóp qarýdy tez arada jetkizý kerek ekenin aitqan.
