© Foto: Ýkraina Prezidentiniń baspasóz qyzmeti
Ýkraina prezidenti Vladimir Zelenskii Resei prezidentimen kezdesýdi kózdemeitinin, Ýkrainaǵa basyp kirgeli beri Vladimir Pýtindi eshkim dep eseptemeitinin aitty. Sky News arnasyna bergen suhbatynda Zelenskii osylai dep málimdegen. Bul týraly Azattyq radiosy habarlady.
"Resei prezidentimen kezdesý Ýkrainadaǵy soǵysty toqtatýǵa kómektese me?" degen suraqqa Zelenskii:
"Bul meni qyzyqtyrmaidy. Kezdesýde, sóilesýde mán joq. Sebebi biz Resei basqynshylyǵy aldynda "normand formaty" aiasynda kezdeskenbiz. Men sózi men isi bólek adamdy kórdim" dedi Zelenskii.
Resei men Ýkraina arasyndaǵy kelissóz máselesine toqtalǵan Ýkraina prezidenti "Resei kelissóz júrgizýge qulyqsyz ekenine senimdimin" dedi. Onyń sózinshe, mundai niet basqynshylyqqa deiin de baiqalǵan.
"Pýtin solai dep sheshti. Ol kelissózge barǵysy kelmeidi, sebebi beibitshilikti qalamaidy" dedi.
Ol áli kúnge deiin ózine Reseide kim sheshim shyǵaratyny jumbaq kúiinde qalǵanyn aitty.
"Men úshin ol [Pýtin] kim? Basqynshylyqtan keiin ony eshkim dep eseptemeitin boldym" dedi Zelenskii.
Sky News tilshisimen suhbatta ýkrain basshysy Resei aýmaǵynda soǵysqysy kelmeitinin anyq aitty.
"Bar tilegim – olar [Resei] soǵysty toqtatyp, elimizden tezirek ketse deimin. Olar bizdiń jerden ketse, soǵys toqtaidy dep anyq aita alamyn" dedi ol.
Ýkrainanyń shyǵysyndaǵy jaǵdaiǵa toqtalǵan Zelenskii "ol jaqta Resei kúshteri alǵa qarai jyljyp barady, biraq orasan shyǵynǵa batyp jatyr" dedi.
"Bul endi – kóp shyǵyn. Olarǵa báribir. Olar óz adamdarynyń sanyn eseptemeidi" dedi ol.
Zelenskiidiń sózine qaraǵanda, Resei jaǵy myńdaǵan áskerinen aiyrylǵan. Ýkraina prezidenti ýkrain armiiasynyń shyǵyny jóninde naqty deregi joǵyn aitty.
Zelenskiidiń suhbatyna Kreml ókilderi de reaktsiia bildirdi. Olar "Zelenskiidiń ózi baiaǵyda-aq prezident Pýtinniń yqtimal qarsylasy bolýdan qaldy" degen.
Copyright (c) 2013. RFE/RL, Inc. Reprinted with the permission of Radio Free Europe/Radio Liberty, 1201 Connecticut Ave., N.W. Washington DC 20036.
