Ýkrainanyń Prezidenti Vladimir Zelenskii Qasym-Jomart Toqaevty Qazaqstan Respýblikasynyń Prezidenti bolyp sailanýymen quttyqtady, dep habarlaidy "Ult aqparat".
«Ýkraina halqynyń jáne óz atymnan sizdi Qazaqstan Respýblikasy Prezidentiniń kezekten tys sailaýynda jeńiske jetýińizben quttyqtaimyn», - dedi Ýkraina Prezidenti.
Vladimir Zelenskii sailaýshylardyń Qasym-Jomart Toqaevqa senim artýy, onyń el arasyndaǵy bedeli zor ekenin kórsetkenin aitqan.
«Eki jaqtap kúsh salý arqyly qos el arasyndaǵy syndarly yntymaqty, egemendik pen aýmaqtyq tutastyqty saqtai otyryp ózara tereńdete alatynymyzǵa senimdimin. Osy múmkindikti paidalanyp, sizdi Kiev pen Nur-Sultan arasyndaǵy qarym-qatynasqa tyń serpin berý úshin Ýkrainaǵa issaparmen kelýge shaqyramyn. Qurmetti Prezident, Sizge osynaý jaýapty qyzmetińizde myqty densaýlyq pen jańa tabys, al Qazaqstannyń dos peiildi halqyna beibitshilik pen gúldený tileimin», - delingen quttyqtaýda.
