Ýkraina prezidenti Vladimir Zelenskii prezident sailaýyna ekinshi ret qatysýdy josparlap otyr. Bul týraly "Slýga naroda" partiiasynan Joǵarǵy Rada depýtaty Geo Leros óziniń Facebook jelisindegi paraqshasynda jazdy, - dep habarlaidy "Ult aqparat".
Lerostyń aitýynsha, Zelenskii 25 qańtarda týǵan kúnin toilaý kezinde kelesi prezidenttik sailaýda kandidatýrasyn usynatynyn málimdegen. Sonymen qatar, depýtat bul aqparat "endi resmi" ekenin atap ótti.
"Aldyńgúni Zelenskii týǵan kúnin atap ótý kezinde óziniń jaqyndaryna ekinshi ret sailaýǵa túsetinin aitty!" - dep jazdy depýtat.
Sailaý naýqany kezinde Vladimir Zelenskii prezident sailaýyna bir ret qana túsemin dep ýáde bergen. Alaida 2020 jyldyń mamyrynda ol barlyq sailaý ýádesin bir merzimde oryndaý múmkin bolmaitynyn aitty.
"Ýkraina halqy qoldasa, men bul týraly oilanamyn", - dedi prezident baspasóz máslihatynda.
2020 jyldyń sońynda Ýkraina prezidentiniń áieli Elena Zelenskaia kúieýi onymen taǵy prezident sailaýyna qatysý týraly áli talqylamaǵanyn aitqan.
Eske salaiyq, 2019 jyldyń 20 mamyrynda Vladimir Zelenskii resmi túrde Ýkraina prezidenti boldy. Zelenskii ulyqtaý rásiminde "ýkrainalyqtardyń 100 paiyzy - prezident" dep málimdedi.
