ۋكراينا پرەزيدەنتٸ ۆلاديمير زەلەنسكيي پرەزيدەنت سايلاۋىنا ەكٸنشٸ رەت قاتىسۋدى جوسپارلاپ وتىر. بۇل تۋرالى "سلۋگا نارودا" پارتيياسىنان جوعارعى رادا دەپۋتاتى گەو لەروس ٶزٸنٸڭ Facebook جەلٸسٸندەگٸ پاراقشاسىندا جازدى, - دەپ حابارلايدى "ۇلت اقپارات".
لەروستىڭ ايتۋىنشا, زەلەنسكيي 25 قاڭتاردا تۋعان كٷنٸن تويلاۋ كەزٸندە كەلەسٸ پرەزيدەنتتٸك سايلاۋدا كانديداتۋراسىن ۇسىناتىنىن مەلٸمدەگەن. سونىمەن قاتار, دەپۋتات بۇل اقپارات "ەندٸ رەسمي" ەكەنٸن اتاپ ٶتتٸ.
"الدىڭگٷنٸ زەلەنسكيي تۋعان كٷنٸن اتاپ ٶتۋ كەزٸندە ٶزٸنٸڭ جاقىندارىنا ەكٸنشٸ رەت سايلاۋعا تٷسەتٸنٸن ايتتى!" - دەپ جازدى دەپۋتات.
سايلاۋ ناۋقانى كەزٸندە ۆلاديمير زەلەنسكيي پرەزيدەنت سايلاۋىنا بٸر رەت قانا تٷسەمٸن دەپ ۋەدە بەرگەن. الايدا 2020 جىلدىڭ مامىرىندا ول بارلىق سايلاۋ ۋەدەسٸن بٸر مەرزٸمدە ورىنداۋ مٷمكٸن بولمايتىنىن ايتتى.
"ۋكراينا حالقى قولداسا, مەن بۇل تۋرالى ويلانامىن", - دەدٸ پرەزيدەنت باسپاسٶز مەسليحاتىندا.
2020 جىلدىڭ سوڭىندا ۋكراينا پرەزيدەنتٸنٸڭ ەيەلٸ ەلەنا زەلەنسكايا كٷيەۋٸ ونىمەن تاعى پرەزيدەنت سايلاۋىنا قاتىسۋ تۋرالى ەلٸ تالقىلاماعانىن ايتقان.
ەسكە سالايىق, 2019 جىلدىڭ 20 مامىرىندا ۆلاديمير زەلەنسكيي رەسمي تٷردە ۋكراينا پرەزيدەنتٸ بولدى. زەلەنسكيي ۇلىقتاۋ رەسٸمٸندە "ۋكراينالىقتاردىڭ 100 پايىزى - پرەزيدەنت" دەپ مەلٸمدەدٸ.
