Zelenskiidiń aitýynsha, kezdesý Túrkiiada, Shveitsariiada nemese arab elderiniń birinde ótýi múmkin. Ol Resei men Ýkraina arasyndaǵy qazirgi qarym-qatynasty eskere otyryp, "óziniń Máskeýde de, Pýtinniń Kievte de sharýasy joq" ekenin aitty.
Sondai-aq Zelenskii AQSh-ty negizgi kelissóz alańy retinde qarastyrmaitynyn málimdedi. Onyń pikirinshe, soǵys Eýropada júrip jatqandyqtan, kelissózderge eýropalyq memleketter qatysýy tiis. Degenmen Vashingtonnyń qatysýyn da tolyq joqqa shyǵarmady.
Ýkraina basshysy kelissózder bastalar aldynda tolyq atysty toqtatýdy jáne áskeri tutqyndardy "bárin bárine" qaǵidaty boiynsha almastyrýdy usyndy.
Hatta Zelenskii Reseide revoliýtsiia bolýy múmkin ekenin de meńzep ótti. Sonymen qatar ol Resei armiiasynyń shyǵyny Ýkrainadan kóp ekenin aityp, Vengriianyń burynǵy premer-ministri Viktor Orbandy "Ýkrainaǵa qarsy shyqqandardyń sońy nemen aiaqtalatynynyń mysaly" retinde keltirdi.
Budan bólek, Zelenskii qazirgi tańda AQSh-tyń nazary Taiaý Shyǵystaǵy oqiǵalarǵa aýyp ketkenin, sondyqtan Vashington Ýkraina máselesine burynǵydai tereń aralasa almai otyrǵanyn aitty.
