Foto: QR UQK
Qazaqstanda ekstremistik top músheleri ustaldy, - dep habarlaidy "Ult aqparat" UQK baspasóz qyzmetine silteme jasap.
"15 qarashada Ulttyq qaýipsizdik komiteti Bas prokýratýranyń úilestirýimen sotqa deiingi tergep-tekserý sheńberinde Astana, Atyraý jáne Jezqazǵan qalalarynda radikaldy dini toptardyń uiashyqtaryn beitaraptandyrdy.
Terrorizmdi nasihattaý, sondai-aq ekstremistik topty qurý, oǵan basshylyq etý jáne onyń áreketine qatysý boiynsha kúdikke ilingen 12 múshesi bir mezgilde ustaldy" - delingen habarlamada.
Tergeý boljamy boiynsha, olar Qazaqstandaǵy zaiyrly qurylymdy qulatýdy kózdegen. Ol úshin ekstremistik ideologiiany taratqan jáne qatarlaryna jańa jaqtastardy tartqan.
"Figýranttardyń turǵylyqty mekenjailary boiynsha tintý barysynda tyiym salynǵan ádebietter men basqa da dáleldi zattar anyqtaldy.
Toptyń birqatar múshesi - politsiia qyzmetkerin óltirý, banditizm, qaraqshylyq, tonaý jáne zorlaý sekildi aýyr qylmystar jasaǵandary úshin buryn sotty bolǵandar" - delingen habarlamada.
Qylmystyq-protsestik kodekstiń 201-baby 1-bóligine sáikes ózge aqparat jariia etýge jatpaidy.
