Májilis depýtaty Zaýresh Amanjolova eldegi tótenshe jaǵdai rejimine bailanysty halyqqa kórsetilip jatqan áleýmettik qoldaý sharalaryn jalǵastyrý kerektigin aitty, dep habarlaidy QazAqparat.
«Áleýmettik tólemdi bólý boiynsha el ishinde birshama kataklizmniń týyndaǵanyn kórdik. Áitse de Eńbek jáne halyqty áleýmettik qoldaý ministrliginde budan buryn AÁK tóleý tájiribesi bar edi. Ony tóleý máselesin de jolǵa qoiǵan bolatynbyz. AÁK-ti aýdarý kezinde de bizde dál qazirgidei qatelikter kezdesken. Keiin ol kemshilikterdi túzei bildik. Árine máselen Reseide AÁK mehanizmin ázirleýdiń ózine 2 jyl beriletinin estip, bir jaǵynan jubanyp ta otyrmyn. Qazaqstannyń Eńbek jáne halyqty áleýmettik qoldaý ministrligi bul baǵytta shama-sharqynsha jumys júrgizdi. Áitse de bizdiń halyqtyń sanattary boiynsha ministrlikte qajetti aqparattyq baza bolýy kerek edi degen oidamyn», - dedi Májilis depýtaty ártúrli saladaǵy sarapshylardyń onlain rejimdegi baspasóz máslihatynda.
Depýtat koronavirýs indetin jáne os kezdegi shekteý sharalaryn eńserý ońai bolmaitynyn jetkizdi.
«Ekonomikalyq turǵyda da, áleýmettik sipatta da solai. Tipti psihologiialyq turǵyda da ár adam úshin bul ahýal kúrdeli. Qazir ár adam osal. Sol sebepti qazir memleket tarapynan halyqqa kórsetilip jatqan kómekti ary qarai jalǵastyrý mańyzdy degen oidamyn», - dedi ol.
Májilismen aldaǵy ýaqytta áleýmettik salaǵa qarajatty ary qarai da bólý jumysy jalǵasyn tabatynyna senim bildirdi.
«Biz tipti osy dóńgelek ústeldegi talqynyń qorytyndysy boiynsha óz usynystarymyzdy ortaǵa sala alamyz. Ásirese shaǵyn jáne orta biznestiń jaǵdaiy asa jaqsy emes. Sondyqtan halyqqa kórsetilip jatqan áleýmettik kómekti qanshalyqty jalǵastyrýǵa bolatynyn aiqyndaityn materialdardy ázirleýimiz kerek», - dedi ol.
.jpeg)