Qazaqstandyq, álemdik reitingte 112-orynda turǵan Zarina Diias Chikago WTA 250 týrniriniń irikteý saiystaryn sátti ótkizdi, dep habarlaidy "Ult aqparat".
Irikteý saiystarynyń 4-raketkasy bolyp tirkelgen Diias aldymen reitingte 448-satydaǵy ulybritaniialyq Eden Silvany 6:0, 6:1 esebimen oisyrata utty.
Qazaqstandyq tennisshi irikteý saiystarynyń finalynda álemniń 254-raketkasy, ońtústikkoreialyq Na-Le Hanmen kúsh synasty.
Diias saǵat jarymnan astam ýaqytqa sozylǵan matchta 5:7, 6:1, 6:1 esebimen jeńiske jetti. Ol báseke barysynda 13 breik-pointtyń 10-yn paidalandy. Qarsylasy 10 breik-pointtyń altaýyn óz esebine jazdy. Tennisshiler birde-bir eis jasaǵan joq.
Osylaisha Zarina negizgi jarysqa joldama aldy. Chikago WTA 250 týrniri 23-30 tamyz aralyǵynda ótedi. Z.Diiastyń negizgi dodadaǵy qarsylasy keiin anyqtalady.
Taǵy bir qazaqstandyq, reitingte 292-oryndaǵy Anna Danilina Klivlend (AQSh) WTA 250 dodasynda baq synaidy. Onyń qarsylasy – álemniń 130-raketkasy, amerikalyq Keti Maknalli.
