قازاقستاندىق, ەلەمدٸك رەيتينگتە 112-ورىندا تۇرعان زارينا ديياس چيكاگو WTA 250 تۋرنيرٸنٸڭ ٸرٸكتەۋ سايىستارىن سەتتٸ ٶتكٸزدٸ, دەپ حابارلايدى "ۇلت اقپارات".
ٸرٸكتەۋ سايىستارىنىڭ 4-راكەتكاسى بولىپ تٸركەلگەن ديياس الدىمەن رەيتينگتە 448-ساتىداعى ۇلىبريتانييالىق ەدەن سيلۆانى 6:0, 6:1 ەسەبٸمەن ويسىراتا ۇتتى.
قازاقستاندىق تەننيسشٸ ٸرٸكتەۋ سايىستارىنىڭ فينالىندا ەلەمنٸڭ 254-راكەتكاسى, وڭتٷستٸككورەيالىق نا-لە حانمەن كٷش سىناستى.
ديياس ساعات جارىمنان استام ۋاقىتقا سوزىلعان ماتچتا 5:7, 6:1, 6:1 ەسەبٸمەن جەڭٸسكە جەتتٸ. ول بەسەكە بارىسىندا 13 برەيك-پوينتتىڭ 10-ىن پايدالاندى. قارسىلاسى 10 برەيك-پوينتتىڭ التاۋىن ٶز ەسەبٸنە جازدى. تەننيسشٸلەر بٸردە-بٸر ەيس جاساعان جوق.
وسىلايشا زارينا نەگٸزگٸ جارىسقا جولداما الدى. چيكاگو WTA 250 تۋرنيرٸ 23-30 تامىز ارالىعىندا ٶتەدٸ. ز.ديياستىڭ نەگٸزگٸ دوداداعى قارسىلاسى كەيٸن انىقتالادى.
تاعى بٸر قازاقستاندىق, رەيتينگتە 292-ورىنداعى اننا دانيلينا كليۆلەند (اقش) WTA 250 دوداسىندا باق سىنايدى. ونىڭ قارسىلاسى – ەلەمنٸڭ 130-راكەتكاسى, امەريكالىق كەتي ماكناللي.
