Qazaqstandyq Zarina Diias Chikago WTA 250 týrniriniń ekinshi ainalymyna shyǵa almady, dep habarlaidy "Ult aqparat".
Dúniejúzilik reitingte 110-orynda turǵan Diias alǵashqy ainalymda álemniń 57-inshi, osy jarystyń 7-raketkasy, frantsiialyq Kristina Mladenovichpen kúsh synasty.
Birinshi sette frantsiialyq sportshy basymdylyq kórsete bildi – 6:2.
Tartysty ótken ekinshi partiia barysynda Zarina breik-pointtar ǵana emes, setboldy da múlt jiberdi. Aqyry tai-breikte Mladenovich jeńisti julyp aldy – 7:6 (7:3).
2 saǵat 12 minýtqa sozylǵan básekede Diias 3 eis jasap, 10 breik-pointtyń ekeýin ǵana paidalandy. Qarsylasy 2 eiske qosa 10 breik-pointtyń tórteýin óz esebine jazdy.
Mladenovich ekinshi ainalymda reitingte 361-satydaǵy kanadalyq Fransýa Abandamen sheberlik baiqasady. Ol bastapqy kezdesýinde álemniń 65-raketkasy, chernogoriialyq Danka Kovinichti utyp ketti.
Júlde qory 235 myń AQSh dollarynan asatyn Chikago dodasy 30 tamyzda márege jetedi. Bul – «Úlken dýlyǵa» týrniriniń biri US Open aldyndaǵy sońǵy jarys.
