قازاقستاندىق زارينا ديياس چيكاگو WTA 250 تۋرنيرٸنٸڭ ەكٸنشٸ اينالىمىنا شىعا المادى, دەپ حابارلايدى "ۇلت اقپارات".
دٷنيەجٷزٸلٸك رەيتينگتە 110-ورىندا تۇرعان ديياس العاشقى اينالىمدا ەلەمنٸڭ 57-ٸنشٸ, وسى جارىستىڭ 7-راكەتكاسى, فرانتسييالىق كريستينا ملادەنوۆيچپەن كٷش سىناستى.
بٸرٸنشٸ سەتتە فرانتسييالىق سپورتشى باسىمدىلىق كٶرسەتە بٸلدٸ – 6:2.
تارتىستى ٶتكەن ەكٸنشٸ پارتييا بارىسىندا زارينا برەيك-پوينتتار عانا ەمەس, سەتبولدى دا مٷلت جٸبەردٸ. اقىرى تاي-برەيكتە ملادەنوۆيچ جەڭٸستٸ جۇلىپ الدى – 7:6 (7:3).
2 ساعات 12 مينۋتقا سوزىلعان بەسەكەدە ديياس 3 ەيس جاساپ, 10 برەيك-پوينتتىڭ ەكەۋٸن عانا پايدالاندى. قارسىلاسى 2 ەيسكە قوسا 10 برەيك-پوينتتىڭ تٶرتەۋٸن ٶز ەسەبٸنە جازدى.
ملادەنوۆيچ ەكٸنشٸ اينالىمدا رەيتينگتە 361-ساتىداعى كانادالىق فرانسۋا اباندامەن شەبەرلٸك بايقاسادى. ول باستاپقى كەزدەسۋٸندە ەلەمنٸڭ 65-راكەتكاسى, چەرنوگورييالىق دانكا كوۆينيچتٸ ۇتىپ كەتتٸ.
جٷلدە قورى 235 مىڭ اقش دوللارىنان اساتىن چيكاگو دوداسى 30 تامىزدا مەرەگە جەتەدٸ. بۇل – «ٷلكەن دۋلىعا» تۋرنيرٸنٸڭ بٸرٸ US Open الدىنداعى سوڭعى جارىس.
