Qazaqstandyq Zarina Diias Madrid WTA týrniriniń irikteý saiysyn sátti bastady, dep habarlaidy "Ult aqparat".
Álemniń 89-raketkasy Z.Diias dúniejúzilik reitingte 100-orynda turǵan italiialyq Martina Trevizanmen kezdesti.
Tennisshilerdiń ekeýi de 27 jasta. M.Trevizan ońai shaǵylatyn jańǵaq emes. Ol ótken jyly Rolan Garros týrnirinde aidy aspanǵa shyǵaryp, shirek finalǵa deiin jetti.
Birinshi partiiada eki breik jasaǵan Zarina basymdylyqty ýysynan shyǵarǵan joq – 6:2.
Qazaqstandyq tennisshi ekinshi sette de qos breikpen alǵa ketti – 3:0. Budan keiin italiialyq sportshy qaiyra breik jasap, esepti qysqarta aldy – 2:3. Degenmen Zarina matchqa dop bergende, múmkindigin múlt jibergen joq – 6:4.
Báseke 1 saǵat 25 minýtqa sozyldy.
Z.Diias irikteý saiystarynyń finalynda reitingte 137-satydaǵy ýkrainalyq Katerina Kozlovamen sheberlik baiqasady. Ol álemniń 66-raketkasy, estoniialyq Kaiia Kanepidi 6:1, 6:4 esebimen jeńip ketti. Zarina K.Kozlovany utsa, negizgi jarysqa joldama alady.
Z.Diias jýyrda Ystanbul týrniriniń alǵashqy ainalymynda K.Kanepiden 4:6, 4:6 esebimen jeńilip qalǵan bolatyn.
