قازاقستاندىق زارينا ديياس مادريد WTA تۋرنيرٸنٸڭ ٸرٸكتەۋ سايىسىن سەتتٸ باستادى, دەپ حابارلايدى "ۇلت اقپارات".
ەلەمنٸڭ 89-راكەتكاسى ز.ديياس دٷنيەجٷزٸلٸك رەيتينگتە 100-ورىندا تۇرعان يتالييالىق مارتينا ترەۆيزانمەن كەزدەستٸ.
تەننيسشٸلەردٸڭ ەكەۋٸ دە 27 جاستا. م.ترەۆيزان وڭاي شاعىلاتىن جاڭعاق ەمەس. ول ٶتكەن جىلى رولان گارروس تۋرنيرٸندە ايدى اسپانعا شىعارىپ, شيرەك فينالعا دەيٸن جەتتٸ.
بٸرٸنشٸ پارتييادا ەكٸ برەيك جاساعان زارينا باسىمدىلىقتى ۋىسىنان شىعارعان جوق – 6:2.
قازاقستاندىق تەننيسشٸ ەكٸنشٸ سەتتە دە قوس برەيكپەن العا كەتتٸ – 3:0. بۇدان كەيٸن يتالييالىق سپورتشى قايىرا برەيك جاساپ, ەسەپتٸ قىسقارتا الدى – 2:3. دەگەنمەن زارينا ماتچقا دوپ بەرگەندە, مٷمكٸندٸگٸن مٷلت جٸبەرگەن جوق – 6:4.
بەسەكە 1 ساعات 25 مينۋتقا سوزىلدى.
ز.ديياس ٸرٸكتەۋ سايىستارىنىڭ فينالىندا رەيتينگتە 137-ساتىداعى ۋكراينالىق كاتەرينا كوزلوۆامەن شەبەرلٸك بايقاسادى. ول ەلەمنٸڭ 66-راكەتكاسى, ەستونييالىق كاييا كانەپيدٸ 6:1, 6:4 ەسەبٸمەن جەڭٸپ كەتتٸ. زارينا ك.كوزلوۆانى ۇتسا, نەگٸزگٸ جارىسقا جولداما الادى.
ز.ديياس جۋىردا ىستانبۇل تۋرنيرٸنٸڭ العاشقى اينالىمىندا ك.كانەپيدەن 4:6, 4:6 ەسەبٸمەن جەڭٸلٸپ قالعان بولاتىن.
