Úkimet zapastaǵy Áskeri ofitserlerdi áskeri qyzmetke shaqyrý týraly Qaýly qabyldady. 2022 jyly zapastaǵy ofitserlerdi irikteý jáne shaqyrý týraly Qorǵanys ministrligi Kadrlar departamentiniń aǵa-ofitseri, podpolkovnik Berik Ainabekov Ermekuly aityp berdi, – dep habarlaidy «Ult aqparat».
Belgili bolǵanyndai, Úkimet Qaýlysyna sáikes 2022 jyly Qarýly kúshterge 150 ofitser jáne Ulttyq qaýipsizdik komitetiniń Shekara qyzmetine 40 ofitser shaqyrylatyn bolady. Bul ofitserler 24 aiǵa, iaǵni 2 jylǵa shaqyrylady.
«Zapastaǵy ofitserlerdi shaqyrý tártibi, birinshiden, jergilikti basqarý organdarymen júrgiziledi. Jáne áskeri bólimderdiń ókilderi qatysady. Birinshiden, ofitserlerdiń jeke isterin qarap, mamandyqtaryna sáikes oqyp, bilip, keiin olardy áńgimelesýge shaqyrady. Jalpy, Qarýly kúshterge búgingi tańda sirek kezdesetin mamandar, ol birinshiden, meditsinalyq mamandyqtar, artelleriia mamandyqtary, aviiatsiia-tehnikalyq mamandar jáne psiholog mamandar jetispeidi. Sondyqtan jyl saiynǵy Qaýlyǵa sáikes, ofitserler shaqyrtylyp otyrady», – deidi Qorǵanys ministrligi Kadrlar departamentiniń aǵa-ofitseri, podpolkovnik Berik Ainabekov.
Onyń aitýynsha, úmitkerlerge qoiylatyn talaptar, birinshiden, densaýlyq jaǵdaiy. Odan keiin 29 jasqa deiin jáne bilimine sáikes. Al osy oraida, «áskerge shaqyrylatyn zapastaǵy ofitserler qai jerde qyzmet etedi? Jáne olardyń ózderi tańdaýǵa múmkindik bola ma?» degen suraqtyń týyndaýy zańdy. Degenmen, áskerge shaqyrylǵan ofitserlerde tańdaý múmkindigi bolady dep aita almaimyn. Sebebi, olardyń mamandyqtaryna sáikes Qarýly kúshterdiń qai óńirlerdi mamandyqtaryna sáikes bos oryndar bolady, soǵan sáikes sol jerlerge shaqyrtylady.
«Degenmen, eki jyl qyzmet etken ofitser áskeri qyzmetin odan ári jalǵastyra alady. Oǵan Qarýly kúshter qarsy bolmaidy. Onyń biri – ózim, 18 jyl boldy ásker qatarynda júrgenime. 2004 jyly úsh jylǵa shaqyrylǵam. Ol kezde Zań boiynsha qyzmet merzimi úsh jyl bolǵan. 18 jyldyń ishinde 4-5 garnizonnan ótip, qazir Qazaqstan Respýblikasy Qarýly kúshteriniń Ortalyq apparatynda qyzmet etip jatyrmyn. Eń birinshi másele, árbir áskeri azamattyń áleýmettik máselesi. Iaǵni, bizde qazirgi ýaqytta birshama jeńildikter qarastyrylǵan. Qazir ofitserler jalaqysyn alady, sonymen qatar, qazir jaqsy jaǵdailardyń biri, jaldamaly páterge aqsha tólenedi. Árbir óńirdiń óz tarif bar. Jalǵyz ózi bolsa, ózine tólenedi. Otbasy bolsa, otbasyna tolyǵymen tólenedi. Jáne de barǵan jerlerinde qyzmettik páter bolsa, sonymen qamtamasyz etiledi. Bolmaǵan jaǵdaida, jańaǵydai aqsha tólenedi. Bul jalaqydan bólek. Sonymen qatar, kiim-keshek, meditsinalyq jabdyqtar, bári tegin. Úkimettiń atynan, qarýly kúshterdiń atynan qoldanylady», deidi Qorǵanys ministrligi Kadrlar departamentiniń aǵa-ofitseri, podpolkovnik Berik Ermekuly.
Osy oraida aita ketken jón, áskeri qyzmet jáne áskeri qyzmetshiler týraly Qazaqstan Respýblikasy Zańyna sáikes zapastan shaqyrylǵan ofitserlerge atqaryp otyrǵan laýazymdaryna sáikes jalaqy tólenedi. Sondyqtan burynǵy jumys orny men jalaqysy saqtalmaidy.
«Qarýly kúshter qataryna zapastan shaqyrý egemendik alyp, ózimizdiń Qarýly kúshter qalyptasqannan bastap Zańda bar. Ol - Keńes ókimetinen kele jatqan tájiribe. Basqa memleketterde de ondai tájiribeler júrip jatyr. Bir jaǵynan óz erkimen qalatyn ofitserlerdi jasaqtaýǵa kómektesedi. Bir jaǵynan oqyp-bilip, ásirese, meditsinalyq mamandyqtar bizdiń Qarýly kúshterdi kórsetip, ári qarai óz jumystaryn damyta beredi», – deidi Qorǵanys ministrligi Kadrlar departamentiniń aǵa-ofitseri, podpolkovnik Berik Ainabekov.
Esterińizge sala keteiik, Úkimet zapastaǵy Áskeri ofitserlerdi áskeri qyzmetke shaqyrý týraly Qaýly qabyldady. Úkimet Qaýlysyna sáikes 2022 jyly Qarýly kúshterge 150 ofitser jáne Ulttyq qaýipsizdik komitetiniń Shekara qyzmetine 40 ofitser shaqyrylatyn bolady. Bul ofitserler 24 aiǵa, iaǵni 2 jylǵa shaqyrylady.
