Almaty oblysy Ile aýdanynda adam ólimine ákelgen jol apaty boldy. Oqiǵa Qaraoi – Baikent tasjolynda tirkelgen, dep habarlaidy ult.kz zakon.kz-ke silteme jasap.
Toyota Camry kóligi Qaraoi baǵytynan Baikent baǵytyna qarai kele jatqan. Júrgizýshi rólge ie bola almai, kólik jol jiegine shyǵyp ketken. Artynsha mashina búiirimen aǵashqa soǵylǵan. Soqqynyń saldarynan avtomobil qatty zaqymdanǵan.
Apat saldarynan eki adam oqiǵa ornynda kóz jumdy. Taǵy eki adam aýrýhanaǵa jetkizildi. Zardap shekkenderdiń biriniń jaǵdaiy aýyr ekeni aityldy. Qaza tapqandar men jaraqat alǵandar áskeri kiimde bolǵan. Qorǵanys ministrligi bul jol apaty vedomstvo qyzmetkerlerine qatysy joq ekenin málimdedi. UQK jaǵdaiǵa qatysty pikir bildirmedi.
Politsiia atalǵan derek boiynsha qylmystyq is qozǵady.
