15 tamyz kúni tańerteń Indoneziiada magnitýdasy 7,7 bolatyn joiqyn jer silkinisi tirkeldi, dep habarlaidy ult.kz.
Eýropa-Jerorta teńizi seismologiialyq ortalyǵynyń málimetinshe, jer silkinisi jergilikti ýaqyt boiynsha saǵat 04:58-de, Almaty ýaqytymen 02:58-de bolǵan. Zilzala oshaǵy Flores aralynyń mańynda ornalasqan.
Negizgi jer silkinisinen keiin magnitýdasy 6,2 bolatyn taǵy bir dúmpý tirkeldi. Onyń oshaǵy Labýan-Badjo qalasynan shamamen 102 shaqyrym jerde bolǵan.
Zilzala Shyǵys Nýsa-Tengara provintsiiasynda birqatar nysanǵa zaqym keltirdi. Turǵyn úiler, mektepter, memlekettik jáne meditsinalyq mekemeler búlingen.
Sońǵy málimet boiynsha, tabiǵi apat saldarynan keminde 38 adam qaza tapqan. Jer silkinisinen keiin ondaǵan aftershok tirkelgen.
