Almatyda zańsyz adam tasymaldaityn taksi júrgizýshileri salyq tólemegeni úshin kóliginen aiyrylyp qalýy múmkin. Qazir quqyq qorǵaý organdary almatylyq taksishilerdiń salyqtyq organdarda tirkelýin tekserip jatyr, dep habarlaidy "Ult aqparat".
Medeý aýdandyq memlekettik kirister basqarmasynyń habarlaýynsha, jergilikti politsiia qyzmeti 1 kún ishinde salyq organdarynda tirkelmei, jolaýshy tasyp júrgen 17 júrgizýshini tapty.
Barlyq júrgizýshilerge 10 kún ishinde óz erkimen jeke kásipker retinde tirkeýge otyrýǵa ruqsat berildi. Bulai bolmaǵan jaǵdaida is materialdary sotqa jiberilip, júrgizýshiler ákimshilik jaýapkershilikke tartylady.
QR ÁqbK 463-babyna sáikes salyqtyq organda tirkelmei, jeke kásipkerlikpen ainalysqan tulǵalarǵa 14 AEK (37 875 teńge) aiyppul salynyp, múlki tárkilenýi múmkin.
Salyq organdaryna tirkelý úshin azamattar jeke kýáligimen HQKO-ǵa barýy kerek. Jeke kásipkerler tapqan tabysyn 1 paiyzyn ǵana salyqqa tóleidi.
