Foto: Bas prokýratýra videosynan kadr
Qylmystyq toptyń quramynda oiyn biznesi salasynda qylmys jasady degen kúdikti Germaniiadan ekstraditsiialandy, - dep habarlaidy "Ult aqparat" Bas prokýratýranyń baspasóz qyzmetine silteme jasap.
"Búgin Bas prokýratýra men Qarjylyq monitoring agenttiginiń qyzmetkerleri Syrtqy ister ministrligi jáne Interpoldyń kómegimen Germaniia Federativtik Respýblikasynan «OLIMP.KZ býkmekerlik keńseniń» qyzmetine bailanysty qylmystyq topqa qatysqany úshin qylmystyq jaýaptylyqqa tartý maqsatynda Qazaqstannyń azamatshasy D-ny ekstraditsiialady.
Ol 2014-2019 jyldary qylmystyq toptyń quramynda zańsyz qumar oiyndardy ótkizýge, salyq tóleýden jáne biýdjetke tólenetin basqa da mindetti tólemderden jaltarýǵa, sondai-aq qylmystyq jolmen alynǵan aqsha men múlikti zańdastyrýǵa qatysqan degen kúdikke ilindi" - delingen habarlamada.
Atalǵan quqyqqa qaishy árekettiń nátijesinde memleketke 86,7 milliard teńgeden astam shyǵyn keltirilgen.
"Osyǵan bailanysty oǵan qatysty sotqa deiingi tergep-tekserý bastaldy jáne halyqaralyq izdeý jariialandy.
Biyl mamyr aiynda ol Germaniia aýmaǵynda ustaldy. Qazirgi ýaqytta kúdikti Astana qalasynyń tergeý izoliatoryna qamaqqa alyndy.
Aiyp taǵylǵan qylmystardy jasaǵany úshin múlkin tárkileý, 3 jyldan 10 jylǵa deiingi merzimge bas bostandyǵynan aiyrý jazasy kózdelgen.
Izdeýde júrgen adamdy ekstraditsiialaý Germaniianyń quzyretti organdarymen tyǵyz yntymaqtastyqtyń arqasynda múmkin boldy" - delingen habarlamada.
Vedomstvo málimetinshe, Germaniiamen ustap berý týraly sharttyń bolmaýyna qaramastan, aǵymdaǵy jyly osy elden Qazaqstanǵa adam óltirý jáne esirtki saýdasy boiynsha kúdikti 2 adam ekstraditsiialanǵan. Óz kezeginde, Germaniia tarapyna qorqytyp alý jáne zorlaý qylmystaryn jasaǵany úshin izdeýde júrgen 2 adam ustap berilgen.
