Foto: Polisia.kz
Shyǵys Qazaqstan oblysy politsiia departamenti oblys prokýratýrasymen birlesip, internet arqyly Qazaqstan aýmaǵynda zańmen tyiym salynǵan beinematerialdardy daiyndap, taratqan qylmystyq toptyń jolyn kesti, dep habarlaidy Ult.kz.
Bul top "modeldik agenttik" degen ataýmen elimizdiń 10-nan astam qalasynda, sonyń ishinde Óskemende de vebkam-stýdiialar ashyp, ashyq transliatsiialar júrgizip otyrǵan. Olar 18 ben 25 jas aralyǵyndaǵy qyzdardy jumysqa tartyp, aiyna 2 million teńgege deiin tabys tabýǵa bolady dep ýáde bergen.
Arnaiy júrgizilgen jedel-izdestirý sharalarynyń nátijesinde, uiymdastyrýshylar 1 milliard teńgeden astam kiris tapqany anyqtaldy.
Tintý kezinde 120-dan astam kompiýter, veb-kamera, jaryqtandyrý qurylǵylary jáne basqa da tehnikalar tárkilendi. Qazirgi tańda bul iske qatysy bar 14 adam ustaldy. Olardyń arasynda osy biznesti uiymdastyrǵan negizgi tulǵalar da bar.
Tergeý aiaqtalýǵa jaqyn.
