Zańsyz qarýdy óz erkimen tapsyrǵandar jaýapqa tartylmaidy. Bul týraly Májiliste QR Ishki ister ministri Marat Ahmetjanov aitty, dep habarlaidy QazAqparat.
«Zańsyz qarýdy, oq-dárilerdi jáne jarylǵysh zattardy óz erkimen tapsyrǵan adamdar ne ákimshilik, ne qylmystyq jaýapqa tartylmaidy. Bul zańmen kózdelgen. Sondyqtan tabylǵan qarý-jaraqty politsiiaǵa tapsyrýǵa shaqyramyn», - dedi ministr.
Sonymen qatar urlanǵan qarý-jaraqqa qatysty kez kelgen aqparatty «102» nemese 72-22-45 nómerlerine habarlaýdy surady.
«Elimizde quqyqtyq tártipti jáne azamattardyń qaýipsizdigin qamtamasyz etý boiynsha barlyq qajetti is-shara qabyldanýda», - dep aiaqtady sózin Marat Ahmetjanov.
