Elorda qalasynyń Bilim basqarmasy bilim mekemelerinde aqsha jinaý faktilerin boldyrmaýǵa baǵyttalǵan aktsiiany iske qosty, dep habarlaidy "Ult aqparat" Elorda Info saityna silteme jasap.
#Alym-salyqqa jol joq sharasy «Astana - Adaldyq alańy» jobalyq keńsesimen birlesken joba.
«Eger bilim berý mekemelerinde zańsyz áreketterge tap bolsańyz, 55-68-83, 55-68-73 telefon nomerlerine habarlasýdy suraimyz», - dedi bilim basqarmasynyń basshysy Ánýar Janǵozin.
Aita keteiik, qala mektepteriniń qajettiligi úshin biýdjetten 149 ataý boiynsha qarjy bólinedi. Onyń ishinde ákimshilik personal úshin keńse zattary (bor, tabelder, maqtaý qaǵazdary jáne t.b.), sanitarlyq tazalyqty qamtamasyz etetin zattar, santehnikalyq jabdyqtar, sporttyq taýarlar (dop, torlar, qanattar jáne t.b.), qurylys materialdary bar.
Al balalary balabaqshaǵa baratyn ata-analar ai saiynǵy tólemnen bólek, kelesi zattardy óz qarajattaryna satyp alýlary tiis: keńse zattaryn (ermeksaz, qatty qaǵaz, túrli-tústi qaǵaz, qarandashtar, boiaýlar, flomaster, albom, qaishy, jelim jáne t.b); jumys dápterlerin (joǵary jáne daiarlyq toptary úshin). Budan bólek, kezekshilik jáne demalys kúndergi toptar úshin, damytý jáne bilim berý úiirmeleri úshin aqy ata-ananyń qalaýy boiynsha tólenedi.
Eske salaiyq, 2018 jyldyń 28 tamyzynda Astana qalalyq Bilim basqarmasynyń ata-analardan zańsyz aqsha jinaýǵa tyiym salynatyny týraly buiryǵy shyqty. Buiryqtyń oryndalýyna baqylaýdy Bilim basqarmasynyń basshysy Ánýar Janǵozin ózi júrgizbek.
