Foto: Vlast.kz
Zańger Aijan Táshenova óziniń feisbýk paraqshasynda Joǵarǵy sotqa saýal joldaǵany, sonyń nátijesinde Janbolat Mamaidyń kassatsiialyq satyda shaǵymdanyp-shaǵymdanbaǵany jóninde anyqtaǵany týraly jazǵan. Zańgerdiń aitýynsha, óziniń jazbalarynyń birinde Joǵarǵy sotqa joldanǵan aryzy «jaýapsyz qalǵanyn» da jazǵan eken.
Aijan Táshenova anyqtalǵan jaitqa sáikes «Mamaidyń «Tazshanyń qyryq ótirigindei» bul syltaýy - ádettegidei arsyz ótirik, qoǵamdyq pikirdi burmalamaqshy bolǵan kezekti qiturqy áreketi.
Mamaidyń Joǵarǵy sotqa joldaǵan ótinishi - onyń «jýrnalistik zertteý» dep ataǵan ótirigi ispetti kezekti «feik», - dep jazǵan. Oǵan qosa zańger Joǵarǵy sottyń jaýabyn jazbasyna tirkepti. Jaýapta: «Qazaqstan Respýblikasy sot organdarynyń «Tórelik» avtomattandyrylǵan aqparattyq-taldaý júiesiniń málimetterine sáikes J.Mamaidyń sot aktilerin kassatsiialyq tártipte qaita qarastyrý týraly aryzy túspegen)» delingen.
Sonymen qatar zańger Mamaidyń ótirikteri ózine ǵana emes, ainalasyndaǵylarǵa da únemi kesirin tigizetindigin nazarǵa alǵan. Bul joly ótiriktiń oty onyń áieline de tigen dep otyr zańger.
«Qazirgi qolda bar naqty derekterge nazar aýdarsaq, Mamai jubaiyn «otqa tastap» ózi shette qalyp otyr. Al, Imanbaeva ózin ǵana emes, kúieýin de qorǵaýǵa májbúr boldy. Mamaidyń óz jaqtastaryn aiaqtan shalýy tańsyq emes. Jaqynda BAQ-ta tirkelmegen Qazaqstan Demokratiialyq partiiasynyń birneshe belsendisiniń ustalǵanyn oqydym. Alaida Mamai bul joly da ustalmai, sýdan taza, sútten aq bolyp otyr», - delingen A.Táshenovanyń jazbasynda.
Sondai-aq, "Mamai men onyń jubaiy Imanbaevaǵa sottyń zańdy kúshine engen sheshimin oryndamaý olardyń ózderine keri áserin tigizetindigin jazǵan bolatynmyn" dep málimdedi zańger.
