Tanymal aktrisa Janel Maqajan kúieýinen bólek ketkenin málimdedi, dep habarlaidy ult.kz.
Óner iesi bul týraly áleýmettik jelidegi paraqshasynda jazdy. Onyń sózinshe, qazirgi ýaqytta tórt balasy da ózimen birge turyp jatyr. Aktrisa buǵan deiin eki kishkentai balasy bir ai boiy ákesiniń janynda bolǵanyn aitty.
Janel Maqajan diktor Abai Asylhanǵa ekinshi ret turmysqa shyqqan edi.
«Erińe senbe, eki bosaǵańa sen!» degen qazaqtyń naqyl sózin endi tolyq túsingendeimin. Bir aidai boldy, tórt balam janymda. Oǵan deiin eki kishkentaiym bir ai ákesinde boldy. Ómirde neshe túrli jaǵdai bolady eken», – dep jazdy aktrisa.
Onyń aitýynsha, qazir balalarymen birge basqa jerge kóship barǵan. Janel Maqajan qiyndyqtardyń birtindep artta qalyp kele jatqanyn atap ótti.
«Qazir men balalarymmen basqa jaqqa kóship keldim. Qiyndyqtar bitip keledi. Aldaǵy ýaqytta bólisemin. Osylai kishkentailarmen kóshýden sharshadym. Ózime naqty maqsattar qoidym. Ózgege emes, Allaǵa, ózińe senip ómir súr!» – dedi ol.
Aktrisa endigi maqsaty – baspana alyp, ózin damytý jáne balalaryna jaǵdai jasaý ekenin aitty.
