Aktrisa Janel Maqajan áleýmettik jelidegi oqyrmanynyń suraǵyna jaýap berip, burynǵy kúieýimen ajyrasýyna ne sebep bolǵanyn ashyq aitty, dep habarlaidy ult.kz.
Óner iesiniń sózinshe, otbasylyq ómirinde kúieýiniń týystarymen aradaǵy túsinispeýshilik, qoldaýsyzdyq jáne opasyzdyq siiaqty jaǵdailar bolǵan. Onyń aitýynsha, burynǵy joldasy áielin de, balalaryn da óz týystarynyń qysymynan qorǵai almaǵan.
Janel Maqajan kúieýiniń anasynyń, dostary men ainalasyndaǵy adamdardyń pikirine tym táýeldi bolǵanyn aityp, bul jaǵdaidyń otbasyna keri áser etkenin jetkizdi.
«Kúieýiń seni, bala-shaǵańdy óz týystaryna talatyp otyrsa, óz otbasyn shyn máninde qorǵamasa, sheshesiniń, janyndaǵy psihologtarynyń, dostarynyń aitqanyna erip, saǵan talaǵyn berip, otbasyn tastap ketse… Biraq el aldynda keremet áke, jardyń beinesinde júrse – qiyn eken. Densaýlyǵyńnyń qalai nasharlap bara jatqanyn da baiqamai qalady ekensiń. Sheshesinen separatsiia joq, ózińe qarsy shyǵyp, sheshesimen birge seni óz úiińnen qýsa, ol da ońai emes», – dep jazdy aktrisa.
Onyń sózinshe, nekeni saqtap qalý úshin bar kúshin salǵan. Ýaqytyn, qarajatyn jáne energiiasyn otbasy úshin jumsaǵanymen, mundai jaýapty ekinshi taraptan kórmegen.
Sonymen qatar aktrisa burynǵy kúieýiniń oǵan opasyzdyq jasaǵanyn da aitty.
«Biz, áielder, senemiz ǵoi, barymyzdy beremiz: energiiamyzdy, aqshamyzdy, motivatsiiamyzdy. Eki dúnieniń baqytyn birge kóremiz dep baryńdy salasyń. Sol jerde aqymaq bolǵanyńdy túsinesiń. “Bári keremet bolady” degen ańǵal úmitpen júresiń. Odan qaldy seni aldap, opasyzdyq jasasa, satqyndyq janyńdy qatty aýyrtady eken», – dedi Janel Maqajan.
Aktrisa sondai-aq turmysqa shyqpas buryn bolashaq jarynyń otbasymen qarym-qatynasyna da nazar aýdarý qajet ekenin aitty. Onyń pikirinshe, er adamnyń jaqyndary qarym-qatynasqa bastapqydan qarsylyq bildirse, mundai jaǵdaiǵa nemquraidy qaramaǵan jón.
«Erli-zaiypty qol ustasyp, bárin birge jeńýge daiyn bolsa, otbasyn saqtap qalýǵa bolady. Al eriń otbasyn emes, óz týystarynyń aitqanyn tańdap ketse, odan ne qaiyr? Bul – basy ǵana. Bárin aitsam, eseńgirep, ómirde eshkimge senbei ketesizder», – dep túiindedi aktrisa.
Aita keteiik, buǵan deiin Janel Maqajan kúieýinen bólek ketkenin aitqan edi. Sonymen qatar, óner iesi Láilá Sultanqyzyna ata-ana qarsylyǵyna qaramai úilengenin búkpesiz aitqan edi.
