Ánshi Janar Aijanova jubaiy ómirden ótkennen keiin ekinshi ret turmys qurǵanyn jáne bul nekesi 20 jyldan soń aiaqtalǵanyn aitty. Bul týraly ol “Momskii áńgime” YouTube arnasyna bergen suhbatynda aityp berdi, dep habarlaidy ult.kz.
Óner iesiniń sózinshe, alǵashqy joldasynan aiyrylǵannan keiin qaita otbasyn quryp, taǵy bir sábi súiýdi armandaǵan.
– Negizi, izin sýytpai turmysqa shyqqan jaqsy eken. Aijuldyzdan keiin qyz bolsyn, ul bolsyn, jalǵyz bolmasa eken dep kóp úmittendim. Biraq buiyrmaǵan nársege ókpelei almaisyń, – dedi ánshi.
Sondai-aq Janar Aijanova ekinshi kúieýimen ajyrasý sebebin de jasyrmady. Onyń aitýynsha, ortaq perzenttiń bolmaýy bul sheshimge áser etken.
– Ekinshi turmysta 20 jyl birge ómir súrdik. Aijuldyz turmysqa shyqqannan keiin eki jaqqa ketýdi uiǵardyq. Aramyzda ortaq bala bolmady. Aijuldyz – onyń týǵan qyzy emes. Bala bolmasa, qoǵam kóbine áieldi kinálaidy. Sondyqtan eshkimniń obalyna qalmaiyn dep, bul sheshimdi bir kúnde qabyldadyq. Qazir de onyń balaly bolǵanyn tileimin, – dedi ol.
