Foto: Polisia.kz
23 maýsymnan bastap elimizde "Zań men Tártip" atty aqparattyq-túsindirý aptalyǵy bastaldy, – dep habarlaidy Polisia.kz.
Respýblikalyq deńgeide ótkizilip jatqan bul shara aiasynda prokýratýra, politsiia, sybailas jemqorlyqqa qarsy qyzmet, qarjylyq monitoring organdary men ákimdikter birlesip, azamattardy qabyldaý uiymdastyrýda. Qabyldaýlar oblys jáne qala ortalyqtaryndaǵy iri saýda ortalyqtarynda, HQKO-larda ótýde.
Aktsiianyń negizgi maqsaty – azamattarǵa quqyqtyq keńes berý, zańnamany jáne memlekettik qyzmetterdi alý tártibin túsindirý, sondai-aq júieli máselelerdi anyqtaý.
Aptalyqtyń alǵashqy eki kúninde quqyq qorǵaý organdarynyń qyzmetkerleri 8 myńǵa jýyq azamatty qabyldady. Ótinishter ártúrli taqyryptardy qamtydy: jer máseleleri, turǵyn úimen qamtamasyz etý, balalar qaýipsizdigi, kásipkerlerdiń quqyqtaryn qorǵaý, áleýmettik tólemder jáne ózge de ózekti máseleler.
Bul aktsiia – zań men tártip qaǵidattaryn túsindirý baǵytyndaǵy júieli jumystyń bir bóligi. Memleket tek zań talap etýshi ǵana emes, sonymen qatar azamattardyń quqyqtaryn qorǵaýǵa kómektesetinin árbir adam bilýi mańyzdy.
