Qazaqstanda Prezidenttiń týystaryna laýazymdy qyzmet atqarýǵa tyiym salynsa, Qazaqstannyń Bolgariiadaǵy elshisi Temirtai Izbastin qyzmetinen ketedi. Bul týraly ádilet ministri Qanat Mýsin aitty, - dep habarlaidy Tengrinews.kz.
OKQ-daǵy brifing barysynda jýrnalister ministrden Prezidenttiń týystaryna laýazymdy qyzmet atqarýǵa tyiym salý týraly zań jobasy jóninde suraq qoiǵan. "Bul jaǵdaida Prezident Qasym-Jomart Toqaevtyń týysy, Qazaqstannyń Bolgariiadaǵy elshisi (Temirtai Izbastin - avt. esk.) qyzmetinen alyp tastala ma" dep surady jýrnalister.
"Prezidenttiń týystaryna laýazymdy qyzmet atqarýǵa tyiym salynsa, bári zań boiynsha jasalady. Qyzmetten alyp tastaý degen - keńes kezinen qalǵan termin. Ol qyzmetin bosatady, sebebi zań boiynsha bul qyzmetti atqara almaidy", - dedi Mýsin.
Aita keteiik, Temirtai Izbastin Qazaqstan Respýblikasynyń Bolgariia Respýblikasyndaǵy Tótenshe jáne Ókiletti elshisi qyzmetine 2019 jyldyń 1 qarashasynda taǵaiyndalǵan bolatyn.
