Foto: vm.ru
QR Ádilet ministrligi zańnamadaǵy Elbasyǵa bailanysty normalardy túzetý jóninde usynys ázirleidi. Bul týraly vedomstvo basshysy Parlament palatalarynyń birlesken otyrysynan keiin BAQ ókilderiniń suraǵyna bergen jaýabynda aitty, dep habaralaidy QazAqparat.
«Ǵylymi, áleýmettik, mádeni baǵyttaǵy jáne basqa da salalyq zańdarda tiisti normalar kózdelgen. Qazir bul máseleni keshendi túrde qarap, pysyqtaimyz. Sodan keiin tiisti usynystarmen shyǵamyz», - dedi ministr.
Onyń aitýyna qaraǵanda, qoldanystaǵy Prezident týraly Konstitýtsiialyq zań eks-prezidentterge kepildikter beredi.
«Birinshiden, olar áleýmettik qamsyzdandyrý, eks-prezidenttiń kúzeti, kólik qyzmetin kórsetý jóninde, qyzmettik saiajai men páter boiynsha naqty normalar qarastyrylǵan. Eks-prezidenttiń jeke basyna, onyń ar-ojdany men mártebesine qol suǵýǵa bolmaidy jáne ondai qol suǵý zańmen qýdalanady», - dedi ministr.
