Jambyl oblysynda áleýmettik jelilerde taraǵan daýly videodan keiin joǵary laýazymdy politsiia qyzmetkerine qatysty qyzmettik tekserý bastaldy, dep habarlaidy ult.kz.
Beinejazbada Taraz qalasynda patrýldik politsiia qyzmetkerleri Sarysý aýdandyq ákimshilik politsiia basqarmasynyń bastyǵyn toqtatqan sát túsirilgen. Áleýmettik jelilerdegi málimetterge sáikes, ol kólikti mas kúiinde basqardy degen kúdikke ilingen.
Videoda áriptesteriniń «Kólikti kim júrgizdi?» degen suraǵyna er adamnyń «Qaryndasym» dep jaýap bergeni estiledi.
Oqiǵa qoǵamda qyzý talqylanyp, jeli qoldanýshylary mundai jaǵdaidyń alǵash ret bolyp otyrmaǵanyn jazǵan.
Jambyl oblystyq politsiia departamenti atalǵan derek boiynsha qyzmettik tergeý júrgizilip jatqanyn málimdedi.
«Quqyqqa qaishy áreket jasaǵany úshin atalǵan tulǵa ishki ister organdarynan teris sebeptermen jumystan shyǵarylady», – dep habarlady vedomstvo.
Politsiia departamenti zań men qyzmettik tártipti buzýdyń kez kelgen deregine qatań baǵa beriletinin atap ótti. Sondai-aq kináli tulǵalardyń laýazymy men ataǵyna qaramastan jaýapkershilikke tartylýy tiis ekeni aityldy.
