Jambyl oblysynda kámeletke tolmaǵan týysyna jynystyq sipattaǵy zorlyq-zombylyq jasaǵan er adam ómir boiyna bas bostandyǵynan aiyryldy. Bul týraly óńirdiń qylmystyq ister jónindegi mamandandyrylǵan aýdanaralyq soty málimdedi, dep habarlaidy ult.kz.
Is materialdaryna sáikes, oqiǵa kúndiz, qyzdyń ata-anasy úide bolmaǵan kezde bolǵan. Sottalýshy úige Wi-Fi parolin suraý syltaýymen kirgen. Sol sátte úide qart atasy men besiktegi sábi ǵana bolǵan. Tergeý málimetinshe, osy jaǵdaidy paidalanǵan er adam qylmystyq áreketke barǵan.
Sotta oǵan Qylmystyq kodekstiń 121-babynyń 4-bóligi («Seksýaldyq sipattaǵy zorlyq-zombylyq áreketteri») boiynsha aiyp taǵyldy.
Memlekettik aiyptaýshy sottalýshyǵa ómir boiyna bas bostandyǵynan aiyrý jazasyn surady. Aiyptalýshy kinásin ishinara moiyndasa, jábirlenýshi tarap ony keshirmeitinin málimdedi.
Sot úkimimen er adam atalǵan bap boiynsha kináli dep tanylyp, ómir boiyna bas bostandyǵynan aiyrý jazasyna kesildi.
Úkim ázirge zańdy kúshine engen joq.
