Jambyl oblysynda politseiler 123 keli marihýanany satpaq bolǵan turǵyndy ustady, dep habarlaidy ult.kz.
"Qarasora – 2026" jedel-profilaktikalyq is-sharasy aiasynda Jambyl oblysy politsiia departamentiniń Delta Dolina aýdanaralyq esirtki qylmysyna qarsy is-qimyl bóliminiń qyzmetkerleri 5513 áskeri bóliminiń jasaqtarymen birlesip, Shý aýdany Tasótkel aýyly mańyndaǵy qumdy alqapta esirtki ósimdikterin jinap júrgen azamatty anyqtady.
Ol sol aýmaqqa eki shatyr quryp, qaptarǵa tyiym salynǵan zatty jinap otyrǵan. Barlyǵy 123 keli keptirilgen marihýana tárkilendi. Sondai-aq qolǵaptar, oraq jáne taǵy basqa quraldar alyndy. Belgili bolǵandai, kúdikti bul marihýanany satpaq bolǵan.
Atalǵan derek boiynsha sotqa deiingi tergep-tekserý bastaldy. Kúdikti qamaýǵa alyndy. Qazirgi ýaqytta qylmystyq is boiynsha barlyq mán-jaidy jan-jaqty ári tolyq anyqtaýǵa baǵyttalǵan qajetti tergeý jáne jedel-izdestirý is-sharalary júrgizilip jatyr.
