Jambyl oblysynda ótken «Zańsyz kelýshi – 2026» jedel-aldyn alý is-sharasy barysynda kóshi-qon zańnamasyn buzýdyń 563 deregi anyqtaldy, dep habarlaidy ult.kz.
Polisia.kz jazýynsha, tekserý nátijesinde sheteldik azamattardyń ruqsat qujattarynsyz eńbek qyzmetimen ainalysýynyń 226 faktisi tirkeldi. Sondai-aq sheteldikterdiń kelýi týraly ýaqtyly habarlamaǵan jáne olardyń el aýmaǵynda bolý tártibin saqtamaǵan qabyldaýshy taraptardyń 141 deregi anyqtaldy.
Budan bólek, qajetti ruqsatsyz sheteldik jumys kúshin zańsyz paidalanǵan 37 jumys berýshi jaýapqa tartyldy.
Politseiler shetel azamattarynyń Qazaqstan aýmaǵynda ýaqytsha bolý merzimin buzýdyń 55 deregin tirkedi. Barlyq anyqtalǵan quqyq buzýshylyqtar boiynsha zańnamaǵa sáikes sharalar qabyldandy.
Is-shara barysynda izdeýde júrgen jeti qylmyskerdiń júrgen jeri anyqtaldy. Olardyń altaýy – shetel azamattary.
Politsiia zańsyz kóshi-qon arnalarynyń jolyn kesý jáne kóshi-qon zańnamasyn buzǵandardy jaýapkershilikke tartý jumystary jalǵasatynyn málimdedi.
