2026 jylǵy 8 maýsymda Jambyl oblysyndaǵy Qarasý ótkizý pýnkti aýmaǵynda Qazaqstan Respýblikasy Ulttyq qaýipsizdik komitetiniń Shekara qyzmeti iri kólemdegi temeki ónimderin zańsyz ákelý áreketiniń jolyn kesti, dep habarlaidy ult.kz.
UQK málimetinshe, júk avtokóliginiń arnaiy jasyryn ornyna 360 myń qorap temeki ónimderi jasyrylyp, olardy Qazaqstan aýmaǵyna zańsyz alyp ótpek bolǵan.
Aldyn ala esep boiynsha tárkilengen temeki ónimderiniń jalpy quny 180 million teńgeden asady.
Qazirgi ýaqytta ustalǵan taýarlar ári qarai tekserý jumystaryn júrgizý úshin quzyrly organǵa tapsyryldy.
UQK Shekara qyzmetiniń deregine sáikes, jyl basynan beri temeki ónimderin zańsyz tasymaldaýdyń 93 deregi anyqtalǵan. Tárkilengen ónimderdiń jalpy quny 386 million teńgeni quraǵan.
Vedomstvo memlekettik shekarada zańsyz taýar ainalymyna qarsy baqylaý sharalary turaqty túrde jalǵasyp jatqanyn atap ótti.
