videodan alynǵan kadr
Zamanbek Nurqadilovtiń uly Qairat Nurqadilov tanymal jýrnalist Nurseiit Jylqyshybaidyń "Ýaqyt kórsetedi" baǵdarlamasynda bergen suhbatynda kimnen qorqatynyn aitty, - dep habarlaidy Massaget.kz.
Ol ózine qasaqana qastandyq jasalsa, kimdi kinálaýy múmkin ekenin jasyrmady.
"Ákeme tapsyrys bergen adam. Ony bárimiz bilemiz. Men ketsem de, halyq suraidy. Nazarbaevtyń (nesinen) qorqamyn. Sol jaqtan shyǵýy múmkin. Aitamyn. Qorqyp turǵan joqpyn ol jaǵynan. Bári biledi ony. Keibireýler aita ala ma, aitpai ma. Men aittym. Sol jaqtan shyǵady", - dedi ol.
Qairat Nurqadilov sýitsid jasamaitynyn, qandai da bir jaǵdai bolsa, halyq oǵan senbeýi kerek ekenin jetkizdi.
"Joq. Revolverim de joq. Joq (óz-ózimdi atýym múmkin emes - esk.). Senbeńder (cýitsid jasaitynyma - esk.). Qudai qalasa, 30 jyldai turýym kerek. 80-nen asyp, odan keiin kóre jatarmyz", - dedi Qairat Nurqadilov.
