Foto: TOÁBQ
Túrkistan oblysynyń ákimi Darhan Satybaldy oblys aýmaǵynda zamanaýi tuqymbaq ashýdy tapsyrǵan bolatyn. Osy baǵytta óńirde tiisti jumystar atqarylýda, dep habarlaidy «Ult aqparat».
Oblystyq tabiǵi resýrstar jáne tabiǵat paidalanýdy retteý basqarmasyna qarasty «Jasyl aimaq» kommýnaldyq memlekettik mekemesinde turaqty 2 tuqymbaq bar.
240 gektar aýmaqty alyp jatqan bul baqtarda 25-ke jýyq ártúrli aǵash-kóshetteri óndirilip jatyr. Atap aitsaq, qylqan japyraqty 6 túr, japyraqty 11 túr jáne buta tektes aǵashtardyń 6 túri ósirilýde. Qazirgi tańda tuqymbaqta barlyǵy 5,7 millionnan astam aǵash-buta kósheti ósirilip jatyr.
Zamanaýi tuqymbaqta 576,0 m2 jerge jylyjai ornatyldy. Jylyjaidyń maqsaty – sirek kezdesetin sándik aǵashtar ósirý. Tuqymbaqty damytý maqsatynda seppe bólimshesine aǵash-buta ósimdikter tuqymynan 11 túrinen 4993 kg tuqym sebý jumystary josparlanyp, kóktem, jaz mezgilinde aǵash tuqymdarynyń pisip-jetilýine bailanysty 2200 kg tuqym jinalyp, orman tuqymbaǵyna sebildi.
Biylǵy kóktem mezgilinde jasyl beldeý aýmaǵyndaǵy orman ekpelerin tolyqtyrýǵa orman tuqymbaǵynan 760 myń dana ártúrli aǵash kósheti qazylyp, tolyqtyrýǵa ár ormanshylyqqa jiberildi. Qala, aýdan ortalyqtaryn kógaldandyrý maqsatynda biylǵy kóktem mezgilinde 2 qala, 15 aýdan ortalqataryna jalpy 411 myńnan asa ártúrli aǵash kóshetteri berildi jáne kúz mezgilinde 34200 ártúrli aǵash kósheti orman tuqymbaǵynan tarqatyldy.
Budan bólek biyl kóktem mezgilinde orman tuqymbaǵynan jalpy 64198 dana ártúrli aǵash kósheti berilgen.
Aita ketsek, oblys kóleminde orman tuqymbaqtarynyń kólemi 253 gektar. Onyń 14-i tiptik zamanaýi pitomnikterde (onyń ishinde 10 jylyjai) ornalasqan. Mádeni orman alqabyna egiletin kóshetter daiyndaýǵa aýmaǵy 350 ga quraityn 10 ýaqytsha tuqymbaqta 35 millionnan astam aǵash kósheti ósirilýde. Kóshetter sanyn 50-60 millionǵa jetkizý josparlanyp otyr.
